Hazırda bütün dünyada icmalar ekstremal hava şəraitinin ağır nəticələri ilə üzləşirlər. Bu isə, gündəlik olaraq insanların həm həyatına, həm də dolanışıq vasitələrinə geniş şəkildə ziyan vurur. Qlobal temperatur artımını 1,5°C-ə qədər məhdudlaşdırmaq və baş verə biləcək ən pis iqlim xaosunun qarşısını almaq missiyasında qlobal ictimaiyyətin gecikmələrinə, qərarsızlığına və ya yarımçıq addımlarına yer yoxdur. Növbəti onillikdə qlobal istixana qazları emissiyalarının əhəmiyyətli dərəcədə azaldılması və 2050-ci ilə qədər xalis sıfır emissiyaya nail olmaq üçün təcili və qətiyyətli tədbirlər zəruridir.

Planetimizin qorunmasına olan sarsılmaz bağlılığımıza görə “GREEN KİTABİSTAN” təşəbbüsünü başlatmışıq. Bu təşəbbüs bizim ekoloji məsuliyyət prinsipimizi təcəssüm etdirir və onun vasitəsilə biz BMT-nin 13-cü Dayanıqlı İnkişaf Məqsədi olan “İqlim dəyişikliyinə qarşı mübarizə”yə töhfə verəcəyik.
 

Yaşıl həllərin tədqiqi

Biz dayanıqlı yaşıl keçid təcrübələrini təşviq etmək üçün bu sahədə qabaqcıl olan ölkələrin yaşıl keçid həllərini tədqiq edir və geniş ictimaiyyətə təqdim edirik. Bundan əlavə, iqlim dəyişikliyinin təsirləri ilə bağlı Azərbaycanda sorğular keçirir və hesabatları maraqlı tərəflərlə və geniş auditoriya ilə paylaşırıq.
 

Ekologiya liderləri üçün platforma

Biz iqlim mütəxəsisləri, fəallar və diplomatlardan müsahibələr alır, onların biliklərini və ölkələrinin ilham verici təcrübələrini ictimaiyyətlə bölüşürük.
 

Yaşıl dialoqun inkişaf etdirilməsi

Biz əməkdaşlığı təşviq edən və dayanıqlı gələcəyin qurulması üzrə müzakirələr üçün platforma olan konfranslar, panel müzakirələr və tədbirlər təşkil edirik.
 

Yaşıl biliyin yayılması

Biz ekoloji dayanıqlılığa dair əhəmiyyət kəsb edən informasiyaları və digər resursları tərcümə edərək, bu bilikləri geniş auditoriya üçün əlçatan edirik.