Sülh dayanıqlı inkişaf üçün çox vacibdir, ancaq indi qlobal sülh və təhlükəsizliyə nail olmaq daha çətin hal alıb. Dinc və inklüziv cəmiyyətlərin çöküşü bütün dünyada insan təhlükəsizliyinə yönəlik  davamlı təhdidlərin yarandığını göstərir. Biz bütün dünyada insanların sülhə olan təcili çağırışlarına cavab vermək üçün etimadı bərpa etməli və qlobal sülh və təhlükəsizlik əsaslarını gücləndirməliyik.

Sülhün hökm sürdüyü bir dünyanı dəstəkləmək üçün “KITABISTAN PEACE” təşəbbüsünü başlatmışıq. “Kitabistan Peace” təşəbbüsü bizim təməl dəyərlərimizə mükəmməl şəkildə uyğun gəlir və biz əminik ki, bu təşəbbüs DİM 16-ya nail olmağa əhəmiyyətli töhfə verəcək.

Sülhə aparan yolların tədqiqi

Biz ən əhəmiyyətli sülh quruculuğu strategiyaları və qlobal münaqişələrin həllinə fokuslanmış tədqiqatlar aparırıq.
 

Sülh qurucularının səsini çatdırmaq

Biz aparıcı sülh qurucuları, diplomatlar və fəallardan müsahibə alır, onların dəyərli fikirlərini daha geniş auditoriya ilə bölüşürük.
 

Sülh naminə dialoqun təşviqi

Biz həll yollarını müzakirə etmək məqsədilə müxtəlif tərəfləri bir araya gətirən konfranslar və tədbirlər təşkil edirik.
 

Sülh mesajını yaymaq

Biz sülh quruculuğu və münaqişələrin həlli ilə bağlı əhəmiyyət kəsb edən kitabları və digər resursları tərcümə edərək onları daha geniş ictimaiyyət üçün əlçatan edirik.