Müəllif: Avenir Suisse

Nəşriyyat: Kitabıstan

Dörd dövlət dilinə sahib olan, sülhpərvər İsveçrə xalqını əsrlərdir nə birləşdirir? İkinci Dünya müharibəsindən sonra İsveçrənin fasiləsiz iqtisadi rifahının səbəbi nədir və ölkə ənənə ilə innovasiyanı balanslaşdırmağa necə nail olur? “İsveçrəliləri izləyin” kitabında bu və digər suallar tam yeni bir yanaşma ilə araşdırılır. Bu kitabda siyasət, biznes, mədəniyyət və cəmiyyətin digər sahələrindən olan görkəmli müasirlər İsveçrəni özünəməxsus baxışları ilə izah edirlər. Kitabda tanış olacağınız məqalələrin hər birini əslən İsveçrədən olmayan, lakin İsveçrədə işləmiş və İsveçrəni çox yaxşı tanıyan ekspertlər təqdim edir.

İsveçrənin beyin mərkəzi “Avenir-Suisse”in 2015-ci ildə inglis dilində nəşr etdiyi bu kitabın İsveçrə ilə daha asan tanış olmaq imkanı yaradacağından əminik. Kitabın ön sözünü İsveçrə Federal Məclis üzvü (2009-2017), İsveçrə Xarici İşlər Federal Departamentinin rəhbəri (2012-2017) Didye Burkxalter yazıb.

Kitabın Azərbaycan dilindəki tərcüməsi üçün ön sözü isə İsveçrə Konfederasiyasının Azərbaycan və Türkmənistan Respublikasındakı sabiq fövqəladə və səlahiyyətli səfiri Filip Ştalder qələmə alıb.