Müəllif: Sandra Elizabet Rulofs

Nəşriyyat: Kitabıstan

Sandra Elizabet Rulofs həm 2004-2013-cü illərdə Gürcüstanın birinci xanımı kimi, həm “SOCO” xeyriyyə fondunun rəhbəri kimi tanınır. Bu dəfə isə Azərbaycan oxucusu xanım Rulofsu həm də maraqlı bədii üslubla yazmış olduğu avtobioqrafik əsər sayəsində tanıyacaq.

“Bir idealistin hekayəsi”ni oxuyarkən indiyə qədər bilmədiyiniz məlumatları, Mixail Saakaşvilinin gənclik illərində Sandra Rulofsla tanışlığını, nişan, daha sonra ailə həyatı qurmalarını öyrənəcək, ABŞ-də təhsil aldıqları dövrdə maddi çətinlik içində davam edən gənc ailə həyatları və Gürcüstana köçdükdən sonra davam etdirdikləri çalışmalar haqqında məlumat alacaqsınız. Xanım Sandra Elizabet Rulofsun özünəməxsus bədii üslubla qələmə aldığı “Bir idealistin hekayəsi” kitabı indiyə qədər 7 dilə tərcümə olunaraq Hollandiya, Gürcüstan, Ukrayna, Rusiya, Türkiyə, İngiltərə və Polşada nəşr edilib. Yorulmadan oxuyacağınız bu kitab sayəsində siz həm də ölkəmizlə qonşu olan Gürcüstanı daha yaxından tanımaq üçün imkan əldə edəcəksiniz.